22 лютага 2021 года ў кабінеце беларускай мовы і літаратуры адбылося мерапрыемства, прысвечанае Дню роднай мовы. Навучэнцы 291 і 285 груп па спецыяльнасці “Прадавец; аператар ЭВМ” прынялі ўдзел у інфармацыйным лабірынце “Родная мова – крыніца натхнення”. Юнакі і дзяўчаты падзяліліся на каманды, якія праходзілі пэўныя этапы: адказвалі на пытанні віктарыны, перакладалі з рускай мовы на беларускую словы-тэрміны, разгадвалі зашыфраваныя рэбусы. Удзельнікі паказалі не толькі выдатныя веды па прадмеце, але і кемлівасць, знаходлівасць, дакладнае веданне роднай мовы.
