5 верасня 2024 года навучэнцы 1 курса прынялі ўдзел ў творчай пляцоўцы “Жывое ў вяках беларускае слова”. У ходзе мерапрыемства прысутныя ўважліва слухалі аповед пра жыццёвы шлях, светапогляд і шматгранную асветніцкую дзейнасць хрысціянскай падвіжніцы Еўфрасінні Полацкай, беларускага першадрукара Францыска Скарыны, прамоўцы Кірыла Тураўскага. Удзельнікі чыталі вершы і спявалі песні беларускіх аўтараў пра родную мову. Гэта дазволіла ім адчуць сябе часткай сваёй нацыянальнай спадчыны і ўпэўніцца, што Дзень беларускага пісьменства ў нашай краіне адзначаецца як даніна глыбокай павагі вялікім беларускім асветнікам.